زیوش

مو نؤگؤم فارسی بده گیلکی اما امیشه

خلی فرقه عاریه ببون زوان یا تی ریشه

تا گوییم که امرن حقی دأریم ایران ˇدل

بعضی ره گرانه یؤ وا نکونن بیز ؤ تۋشه

اؤشنؤون وا آموتن خو زوان’ مدرسه مئن

مار ؤ مازی امی گب اوشان ˇره گشت ؤ نیشه

هچینی هؤ ئاکونن که ایها الاریایی

ئی جوانان بؤگودئن سیوایی خازی’ پیشه

چره جؤم جؤم دکتن چی اوشان’ بترسانئه

چی واسر خأن ببینن زمؤستان ˇسلم ؤ کیشه

بداری فیچئه بونه پورخازی سور ؤ چرچران

چون که واخؤو ئابونن خلک اوشان ˇ نرم ˇچیشه

دامه سالان هدأ بؤن سنگ’ امی مردوم ˇدس

بؤگوتن وا دگیرین خو خؤنه درجیک ˇشیشه

دؤنسن که نبینه دار’ آهین،دار بینه

نقل ˇ ئو مازندران ˇسکه یؤ شال ؤ بیشه

تام بزأن پیله کسان گب زئن ˇگا یؤ ایمه

وا بداشتن بزنن کهنه دار’ داز ؤ تیشه

کهنه دار ˇداز ˇجا زخمان ˇور وزگه بزأ

کئن بدی که همیشک وزگه خو جا سر بنیشه

تاریکی بؤ که بوله قد نکشی پیش ˇگدر

خور ببو نهیب کونه جؤن دکهه خاش ؤ پیشه

امو وا همت ˇجی زمؤستان’ ویرۋجانیم

ئو زمات بهار همان پور دکشه چندته پۋشه

شاعر: فرهنگ کرمی

دامون

دامونم زاده زلزله‌ای مردم کش

3 دیدگاه در “زیوش

  • مهر ۲۹, ۱۳۹۵ در۱۰:۵۵ ب.ظ
    پیوندیکتا

    سلام برار واقعا خوشحالم که ایتا پست پیدا بوکودم کی ۹۵ ارسال بوبوسته تره به خدا اینستاگرام اگر فعالیت کونیدی ایدیا فادید یا حداقل بازم قبلن مانسته پست بنخید ایه.

    پاسخ
    • آبان ۱, ۱۳۹۵ در۳:۵۷ ب.ظ
      پیوندیکتا

      سلاو
      ایمه-چی (البته) ایمسال یته ده پؤست بنأیم 🙂
      اینستا مئن هی caspiland أمی آدرسه

  • بهمن ۴, ۱۳۹۵ در۱:۲۹ ب.ظ
    پیوندیکتا

    سلام.چره یهو ایتو ببو؟سایت فونت خوشه یهو وگرسه!

    پاسخ

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *