گیلکی بأ ، گب بزنیم

گیلکی زبانˇ ره ، بد روزگاریه !
هر کی خو وارش بوخورده زمینه’ ، شوخم زنه !
خو بکاشته شاخ و ولگه’ ، واوینه !
ایتا ره ، عاره کی گیلک بمانه ،
اویتا ، جه گیلکی گب ، هیچی نانه !
هر کی امرأ ، گیلکی گب بزنی ، تهرأ زرخ نیگا کونه !
هر کی عیبأ بیگیری ، تهره اون لوچان زنه ، خو چومانه’ ، فوسینه !
تا بخای بیگی ، بیدین …
خو رویه’ تورشاکونه ، واگردانه !
تهرأ گم ، تا بیشناوی :
بأ ، بائیم ، ایپچه ، هیممت بوکونیم ،
ایتا پیسخال ، حرفˇ حق ، گوش بوکونیم ،
ایتا رایا فاندریم ،
دس به دس ننیم ، ایتا کاری بوکونیم ،
جاقلان …
جاقالان ، _ أمی زاکان _
جاقالانا یاد بدیم ، گیلکییا ، یاد بدیم
اوشانا بیگیم کی گیلکید ،
گیلکید ، گیلکی بأ ، گب بزنید !
أمی حرفه’ بزنیم ، أمی سعیه’ بوکونیم ،
گیلکی با ، گب بزنیم ،
واسی گیلک بمانیم
واسی گیلک بمانیم تا کی ، گیلان بمانه
أمی گیلان ، بمانه …

دامون

دامونم زاده زلزله‌ای مردم کش

2 دیدگاه در “گیلکی بأ ، گب بزنیم

    • آبان ۱, ۱۳۹۵ در۳:۵۶ ب.ظ
      پیوندیکتا

      سلام
      کدوم واژه سخت و نامفهوم بود؟
      بگید تا اون واژه رو ترجمه کنیم

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *