گیلکی شئر جه اشرف الدین گیلانی مشروطه زوماتˇ مئن

آی گیله مردان ویریزید بلبل بینیشته دارˇ سر  ..  وقت رعیتی بأمو جغلان بؤشویدی کارˇ سر
بجأ کجا بؤخوردیمی مناصفه مرا بحه  ..  غرامتأ ندایمی مایه بأمو می بارˇ سر

باغه رمش ندأریمی پایه چموش ندأریمی  ..  خانه‌ی سر خراب بو فأکون و هم تلارˇ سر

کاشتن و پیش کاول زئن مرز بجارا وأکودن  ..  قووت کرگدن خأیه خوک پائی بجارˇ سر
نشاست کودن چه مشکله ویجین دوباره سختˇ سر  ..  قربان بشم بیکاری‌ئه قهوه‌خانه بازارˇ سر
آمه بجار چور ببو ارباب غرامت فأگیره  ..  قرضیه ره اؤسئه کؤنه هر ساعتِ پا کارˇ سر
هرچی بگؤفتم سر بسر مرأ بأمو آخر بسر  ..  شاعرک قنبرک گوشه نشین زارˇ سر

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *